சுதந்திரமில்லா சுதந்திர தின கொண்டாட்டம்.

இன்று நாம் இந்தியாவின் 63 வது சுதந்திர ஆண்டின் காற்றை சுவாசித்துக் கொண்டிருக்கிறோம். இந்த சுதந்திரத்துக்கு பின்னால் எத்தனை உயிர்கள், எத்தனை இழப்புகள் மற்றும் எத்தனை போராட்டங்கள் என்று நமக்குத் தெரியும். இன்று இங்கிலாந்தில் சில இடங்களில் இந்திய தேசிய மூவர்ண கொடி பறப்பதை கண்டு கண்களின் ஓரத்தில் கண்ணீர் எட்டிப் பார்க்கிறது. உள்ளம் சிலிர்க்கின்றது. இதனிடையே இந்தியாவில் சுதந்திர தின கொண்டாட்டம் எப்படி இருக்கிறது? சுதந்திர தினம் நெருங்கும் ஒரு வாரத்திற்கு முன்பே ராணுவமும், போலீசாரும் உஷார் படுத்தப்பட்டு நாடு முழுவதும் பாதுகாப்பு பலப்படுத்த படுகிறது.
Bus stand, Railway stations ஆகியவற்றில் மக்கள் சோதனை இடபடுகிறார்கள். நகருக்குள் நுழையும் வாகனங்கள் நிறுத்தப்பட்டு விசாரணைக்கு பிறகே அனுமதிக்கப் படுகிறது. இவ்வளவு ஏன்? அருகில் உள்ள படங்களை பாருங்கள். 1947 சுதந்திரம் அடைந்த கொண்டாட்டத்துக்கும், 2009 ல் சுதந்திர தின கொண்டாட்டத்துக்கும் உள்ள வித்தியாசத்தை. பிரதமர் கூட சுதந்திர தினம் கொண்டாட கூண்டுக்குள் அடைபட வேண்டியுள்ளது. இதுவா நாம் கேட்ட சுதந்திரம்?

உருப்படியான காரியம்...

மத்திய அரசு நேற்று (16 -Dec -08) உருப்படியாக இரண்டு காரியங்களை செய்துள்ளது. NIA என்னும் National Investigation Agency என்னும் புலனாய்வு நிறுவனம் அமைக்கும் மசோதாவையும், Unlawful Activities (Prevention) என்னும் சட்ட திருத்த மசோதாவையும் நிறைவேற்றியுள்ளது. இதன் மூலம் தீவிரவாதத்துக்கு துணை போவோருக்கு ஐந்து ஆண்டுகள் சிறை தண்டனை முதல் ஆயுள் தண்டனை வரை விதிக்க முடியும். இனியாவது தீவிரவாதம் கட்டுபடுத்தப் படுகிறதா என்று பார்க்கவேண்டும். ஆனால் இந்த சட்டம் தவறாகவும், அரசியல் எதிரிகளை பழிவாங்கவும் உபயோகிக்காமல் நேர்மையாக செயல் படுத்த பட வேண்டும். இது மத்திய, மாநில ஆட்சியாளர்களின் கையில் தான் உள்ளது. பொறுத்திருந்து பார்ப்போம்.

பெட்ரோல் டீசல் விலை குறைப்பு...

மத்திய அரசு ஒரு வழியாக மக்கள் மீது பரிதாபம் காட்டியுள்ளது. (காட்ட வேண்டிய சூழல் ஏற்பட்டுள்ளது) பெட்ரோல் விலையில் ஐந்து ரூபாயும், டீசல் விலையில் இரண்டு ரூபாயும் குறைத்துள்ளது. பெட்ரோல், டீசல் விலை தற்போது முறையே சராசரியாக ஐம்பது மற்றும் முப்பத்தி இரண்டு ரூபாய் என்று நிர்ணயிக்கப்பட்டுள்ளது. இந்த விலை குறைப்புக்கு கீழே கண்டவைகள் கூட காரணங்களாக இருக்கலாம்...

1) கச்சா எண்ணெய் விலை பேரலுக்கு 44 டாலருக்கும் குறைவாக இறங்கியும் மத்திய அரசு பெட்ரோல் விலை பற்றி கவலைபடாமல் இருந்ததால் மக்களிடையே ஏற்பட்ட அதிருப்தி.
2) மும்பை தாக்குதலில் இருந்து மக்களின் கவனத்தை திருப்பலாம்.
3) விலைவாசி உயர்வை பற்றி பிரச்சாரம் மேற்கொள்ளும் எதிர் கட்சிகளின் வாயை அடைக்கலாம்.
4) எல்லாவற்றிகும் மேலாக மக்களவை தேர்தல் மிக அருகில் நெருங்கியதும் கூட காரணமாக இருக்கலாம்.

எப்படி இருந்தாலும் சரி... பெட்ரோல், டீசல் விலையை குறித்த மத்திய அரசுக்கு ஒரு சபாஷ்... மற்றும் நன்றி...

அப்பாடா.....!

Atlast திரு சிவ்ராஜ் பட்டில் ராஜினாமா செய்துள்ளார். நாம் அனைவரும் அவருக்கு நம் நன்றியை தெரிவித்துக்கொள்ள வேண்டும். ஒரு வழியாக அவருக்கு இந்திய மக்களின் மீது பரிதாபம் ஏற்பட்டு இந்த முடிவை எடுத்துள்ளார் என்று தெரிகிறது. ஆனால் இதில் மேலும் மேலும் சிக்கலையே ஏற்படுத்தி உள்ளனர். உள்துறையை சிவராஜ் பட்டில் அவர்களிடமிருந்து எடுத்து, திரு ப. சிதம்பரம் அவர்களிடம் கொடுத்துள்ளார்கள். இதைவிட ஒரு கொடுமை என்னவென்று சொல்வது? ஏற்கனவே, சிதம்பரம் அவர்கள் finance துறையில் பணியாற்றி முழுமையாக மக்களின் நம்பிக்கையை இழந்தவர். அவரிடம் மீண்டும் ஒரு மிக முக்கியமான மற்றும் தற்போது மிக அவசியமாக அதிரடி நடவடிக்கைகள் எடுக்க வேண்டிய துறையான உள்துறையை கொடுத்திருப்பது சரிதானா? (இவர் share market மிக உச்சத்தில் இருந்தபோது தன் துறை வாரியான நடவடிக்கை தான் காரணம் என்று காலரை தூக்கி விட்டுக் கொண்டார். share market கீழே விழுந்த பொது அதற்கு காரணம் உலக பொருளாதார வீழ்ச்சி என்று ஒதுங்கிகொண்டவர், என்னே ஒரு பொறுப்புணர்ச்சி) மேலும் மிகுந்த பொறுப்பில் இருக்கும் பிரதமர் finance துறையை மேலும் தன்னோடு சேர்த்துக் கொண்டார். செய்வன திருந்த செய் என்று ஒரு பழமொழி உண்டு. இவர்களுக்கு தெரிந்திருக்க நியாயமில்லயோ?

மீண்டும் தீவிரவாதிகள் அட்டகாசம்...

மும்பை நகரில் நேற்று (26-Nov-08) இரவு தீவிரவாதிகள் தொடர் துப்பாக்கி சூடு நடத்தியதில் எண்பது பேர் கொல்லப்பட்டனர் மேலும் 200 க்கும் மேற்பட்டவர்கள் படுகாயம் அடைந்துள்ளனர். மும்பையின் luxury ஹோட்டல்கள் ஆன oberai, taj போன்ற இடங்களில் இந்த தாக்குதலை நடத்தியுள்ளனர்.


இந்த தாக்குதல் மேலை நாட்டவரை குறிவைத்து நடத்தியதாக தெரிகிறது. குறிப்பாக அமெரிக்கா மற்றும் பிரிட்டன் நாட்டவரை தாக்கியுள்ளனர். இந்த தாக்குதலுக்கு டெக்கான் முஜாகிதின் என்ற இஸ்லாமிய அமைப்பு பொறுப்பேற்று உள்ளது.




மீண்டும் திரு சிவராஜ் பட்டில் அவர்கள் மைக் குவியலின் நடுவே நின்று பேட்டி என்ற பெயரிலே ஒரு சொற்பொழிவாற்ற போகிறார். இது மிகவும் வன்மையாக கண்டிக்கத்தக்கது. இதை ஒரு போதும் மத்திய காங்கிரஸ் அரசு ஏற்று கொள்ளாது. உயிரிழந்த மக்களுக்கு ஆழ்ந்த அனுதாபங்களை தெரிவித்து கொள்கிறோம். விரைவில் இதற்கு காரணமானவர்களை கைது செய்வோம். ஆனால் POTA போன்ற கொடிய சட்டங்களை கொண்டுவரும் எண்ணம் மத்திய அரசுக்கு இல்லை.


அட போங்கயா நீங்களும் உங்க அரசியலும்.....
Photo நன்றி : yahoo

எதிர்காலத்தில் அணு குண்டுகளை வீசுவார்கள் பயங்கரவாதிகள்... - சிவராஜ் பட்டில்

எதிர்காலத்தில் அணு குண்டு, ரசாயனம் மற்றும் உயிரி ஆயுதங்களை பயங்கரவாதிகள் வீசும் அபாயம் உள்ளது. அதனால் மாநில அரசுகள் உஷாராக இருக்கவேண்டும். பயங்கரவாதத்தால் பாதிக்கப்பட்டுள்ள மாநிலங்கள், பயங்கரவாதிகளை ஒடுக்க தனிப்படை அமைக்க வேண்டும். POTA போன்ற கொடிய சட்டங்களை மீண்டும் கொண்டுவரும் எண்ணம் இல்லை என மத்திய உள்துறை அமைச்சர் சிவராஜ் பட்டில் தெரிவித்துள்ளார்.


மக்கள் அணுகுண்டால் செத்தால் கூட பரவாயில்லை. ஆனால் BJP ஆதரிக்கும் POTA சட்டத்தை காங்கிரஸ் அரசு ஆதரிக்கவே செய்யாது. எங்களுக்கு தேவை வோட்டு ஒண்ணுதான். என்ன patil சார்?